كەزدەسۋ بارىسىندا سوت توراعاسى پرەزيدەنتتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن گۇلدەنۋىنىڭ نەگىزى» اتتى جولداۋىنداعى سوتقا جۇكتەلگەن مىندەتتەردى اتاپ ءوتىپ, «سوت تورەلىگىنىڭ جەتى ءتۇيىنى» جوباسى نەگىزىندە وڭىردە جۇزەگە اسىرىلعان پيلوتتىق جوبالاردىڭ ناتيجەلەرى تۋرالى اقپارات بەرىپ, ايماق بويىنشا اشىلعان تاتۋلاسۋ ورتالىقتارى, مەدياتسيا كابينەتتەرى تۋرالى ءسوز ەتتى.
كەزدەسۋگە قاتىسۋشىلارعا «تۇنگى سوت», «ۆيرتۋالدى سوت» جوبالارىنىڭ ماڭىزى, سوت وتىرىستارىنا سمارتفونعا ورناتىلعان ءموبيلدى قوسىمشا جانە بەينەكونفەرەنتسبايلانىس ارقىلى قاتىسۋ مۇمكىندىگى كەڭىنەن ءتۇسىندىرىلدى.
كەزدەسۋدەن سوڭ ماڭعىستاۋ وبلىستىق سوتىنىڭ توراعاسى جەكە قابىلداۋ وتكىزىپ, ءاربىر قاتىسۋشىنى تىڭداپ, قولدانىستاعى زاڭناما نورمالارىن ءتۇسىندىرىپ, جاۋاپ بەردى.
ماڭعىستاۋ وبلىسى
